Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI

LA ESPERetO

  Namnet på vår medlemstidning är "La Espero" vilket betyder 'hoppet'. Vår blogg med snabba smånyheter kallar vi 'lilla hoppet', vilket också är en ordlek med 'reto' för nät, i förlängingen 'nätet'.

  La nomo de nia membrogazeto estas "La Espero". Nia blogo kun rapidaj novaĵetoj ni nomas LA ESPERetO.

Mesaĝo de la Ĝenerala Direktoro de Unesko, s-ino Irina Bokova, okaze de la Internacia Tago de la Gepatra Lingvo, la 21-a de februaro 2017

=================================================================
Gazetaraj Komunikoj de UEA
N-ro 672
2017-02-18
=================================================================

MESAGHO DE LA GHENERALA DIREKTORO DE UNESKO,  S-INO IRINA BOKOVA, OKAZE DE LA  INTERNACIA TAGO DE LA GEPATRA LINGVO, LA 21-A DE FEBRUARO 2017

Okaze de la Internacia Tago de la Gepatra Lingvo, Unesko rekonfirmas sian kompletan engaghighon por lingva diverseco kaj multlingveco. Lingvoj esprimas tion, kio ni estas, ili formas niajn pensojn kaj identecojn. Ne povas okazi autenta dialogo, nek efika kunlaboro internacia, sen respekto al la lingva diverseco, kio permesas al ni la veran komprenon de chiu kulturo. La alireblo al la diverseco de la lingvoj povas veki la scivolemon kaj reciprokan komprenon de la popoloj. Tial la lingvolernado estas samtempe promeso pri paco, novigo kaj kreiveco. 

La "Internacia Tago de la Gepatra Lingvo", dedichita chi-jare al la multlingva edukado, estas samtempe okazo alvoki pri ago por la realigo de la celoj de la dauripova evoluo, konkrete pri la 4-a celo: ‘Garantii inkluzivan kaj egalecan bonkvalitan edukadon kaj plivastigi por chiuj la shancojn por tutviva lernado’. La edukado kaj la informado en la gepatra lingvo estas absolute esencaj por plibonigi la lernadon, kreskigi la memfidon kaj sinestimon, kiuj estas la plej potencaj motoroj de la evoluo.

Ni estas lingvaj estajhoj. La kulturoj, la ideoj, la sentoj, ech la deziroj pri pli bona mondo prezentighas al ni, unue kaj chiam, en iu konkreta lingvo, per specifaj vortoj. Tiuj lingvoj entenas valorojn kaj viziojn pri la mondo, kiuj richigas la homaron. La valorigo de tiuj lingvoj plilarghigas la liston de eblaj futuroj, kaj kreskigas la energion bezonatan por atingi tiujn. Okaze de tiu chi tago mi alvokas pri la agnosko de la potenco de multlingva edukado chie, en la edukaj kaj administraj sistemoj, en la kulturaj kreajhoj kaj en la amaskomunikiloj, en la interreto kaj en la komerco. Ju pli ni kapablos valorigi la lingvojn, des pli ni havos ilojn por konstrui futuron dignan por chiuj.

Irina Bokova

El la franca originalo en Esperanton tradukis kaj lautlegas Stefano Keller.

Pliaj rilataj publikajhoj, sonregistrajho, video: http://www.linguistic-rights.org/unesco/

Afishoj, tekstoj de UEA por la tago: http://www.linguistic-rights.org/21-02-2017/
                       * * * * *

Komentoj

  • Neniuj komentoj troveblas
Aldoni komenton
TOP