Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI

LA ESPERetO

  Namnet på vår medlemstidning är "La Espero" vilket betyder 'hoppet'. Vår blogg med snabba smånyheter kallar vi 'lilla hoppet', vilket också är en ordlek med 'reto' för nät, i förlängingen 'nätet'.

  La nomo de nia membrogazeto estas "La Espero". Nia blogo kun rapidaj novaĵetoj ni nomas LA ESPERetO.

La EspeRETo

Eldonado de libroj ekde 1 ekzemplero...

Novaĵservo Ret-Info / Lingvo-Studio

PROFESIE PRESITAJ LIBROJ JAM EKDE 1 EKZEMPLERO!

La "Eldonejo Libera" kun gvido de Lode Van de Velde eldonas profesie presitajn librojn malaltkvante, kaj volas doni lokon en sia katalogo al ĉiu, kiu volas eldoni verkon en Esperanto. Se ankaŭ vi havas manuskripton kaj volas eldoni ĝin en libra formo, sendu ĝin al la eldonejo, kiu ofertas ankaŭ tantiemon. Pri la ISBN-numero pretas zorgi la eldonejo.

La eldonataj libroj estos aĉeteblaj en la granda retbutiko Amazon, kaj ankaŭ en la retbutiko de la eldonejo, kie troveblas jam dekduo de eldonitaj verkoj, inter ili ekzemple "Baza Kurso pri Fotografio" aŭ "Manĝeblaj sovaĝaj plantoj" ks.

Pli detalaj informoj estas troveblaj ĉe: http://e-libera.weebly.com

Fejsbuka paĝo de la eldonejo: https://www.facebook.com/Eldonejo-Libera-167436763613324

------- 
Ndlr: Indas konscii, ke en preskaŭ ĉiuj landoj eldonantoj havas la devon sendi kelkajn ekzemplerojn (senpage) al sia Nacia Biblioteko (ekz. en Hungario 6 ekzemplerojn). Tio servas kaj la intereson de la ŝtato, kaj la interesojn de la eldonanto, ja tiel la libroj eniras en la oficialajn datumbazojn, kaj ili estos atingeblaj por esploristoj kaj arkivistoj.

Szilvási László

---------
Ret-Info / Lingvo-Studio, LS
http://www.eventoj.hu 

Komento (0) Vizitoj: 5

Tut-Amerika Kongreso de Esperanto okazos en 2018 en Havano

=================================================================
Gazetaraj Komunikoj de UEA
N-ro 698
2017-08-18
=================================================================

TUT-AMERIKA KONGRESO DE ESPERANTO OKAZOS EN 2018 EN HAVANO

De la 11-a ghis la 17-a de februaro 2018, Havano gastigos la 9-an Tut-Amerikan Kongreson de Esperanto. La kongresa temo estos "Lingvoj kaj kulturoj: edukado por dauripova evoluo en La Amerikoj".

TAKE estas kongreso iniciatita de la Amerika Komisiono de UEA, kreita en 1994, sed la Unua Latinamerika Kongreso de Esperanto, antauulo de la nuna TAKE, okazis en julio 1978 en Mariljo, Brazilo, kie kunvenis kvincento da kongresanoj.

Tiamaniere, post tiu unua sukcesa renkontigho, la amerika regiono decidis okazigi, principe, chiu-trijaran kongreson, sed la realo ne ebligis tion plenumi akurate, tamen, tiel ghermis forumo por la amerika movado kunordige kun la Amerika Komisiono de UEA kaj la respektivaj landaj asocioj. 

Aliflanke, dum la 90-aj jaroj, Havano farighis unu el la plej vizitataj urboj de Kubo kaj de tiam chiujare akceptas plurcentmilojn da turistoj el chiuj mondopartoj kaj el la tuta lando.

Kiel estas sciate, Kubo kaj Kuba Esperanto-Asocio [http://www.esperanto.cult.cu] havas jam longjaran sperton en la organizado de internaciaj eventoj, nome, la 75-a UK en 1990, la 6-a TAKE en 2004, la 95-a UK en 2010 lige kun ILEI-konferencoj, Junularaj Kongresoj kaj Infanaj Kongresetoj, interalie.

Stabila kaj sperta aktivularo kaj novaj generacioj de esperantistoj sin preparas por bonvenigi la internacian kongresanaron, kiu povos propraokule konstati la vivantecon de la kuba movado kaj aparte laboros por plifortigi la regionan komunumon kun chiuj bonvolaj homoj pretaj levi la torchon de Esperanto en la kontinento.

Lau la programo provizora oni antauvidas prelegojn pri la kongresa temo, seminariojn, fakajn kunsidojn, AMO-seminarion, forumojn, kulturajn spektaklojn, ekskursojn, dum-, antau- kaj postkongresajn. 
Kadre de la kongreso okazos la jara renkontigho de la kubaj esperantistoj kaj kunsido de la Komitato de KEA, la supera gvidorgano de la Asocio. Ni esperas akcepti 150-200 partoprenantojn. Bonvenon en Havano!

Loka Kongresa Komitato

Retejo de la 9-a TAKE: http://www.esperanto.cult.cu
                       * * * * *

Komento (0) Vizitoj: 8

AMU Poznanon

 ESF jam de jaroj finance subtenas la Interlingvistikajn Studojn en la Universitato Adam Mickiewicz en Poznano (Pollando). Ĉi-jare ESF planas donaci pli ol antaŭe kaj instigi aliajn homojn fari la samon. Por helpi realigi tion, ESF lanĉas kampanjon “AMU Poznanon”, laŭ kiu la fondaĵo duobligos viajn donacojn al tiu unika programo: por ĉiu eŭro (dolaro, eno, realo, ktp.) donacita de esperantistoj al la Interlingvistikaj Studoj en Poznano, ESF aldonos samvaloran donacon, tiel ke la komune kolektita sumo atingu $5000! Do, se vi donacos 10 eŭrojn kadre de tiu ĉi kampanjo, ESF donacos pliajn 10 eŭrojn, kaj se vi donacos 100 eŭrojn, ESF aldonos 100 pliajn eŭrojn al la programo, ktp. Do, anstataŭ la planitaj $5000 nur de ESF, la programo povas ricevi aldonajn $5000 pere de VIA donaco, duobligita de ESF. Tiel, via donaco al la kampanjo “Amu Poznanon” helpos subteni tiun unikan programon per $10 000, entute.

“Amu tiun ĉi universitaton! Ĝi estas unika, ĉar ĝi proponas interlingvistikajn studojn, pri kio ne povas fanfaroni multaj aliaj landoj” (gvidanto de la programo, profesoro Ilona Koutny).

“Nur en tiu programo eblas klerigi niajn aktivulojn ĝis la grado, kiun oni povus atendi de la homoj de 21a jarcento, kiuj ambicias ŝanĝi la mondon” (UEA-prezidanto kaj ESF-estrarano Mark Fettes).

“Tiu kurso montris al ni ke Esperanto estas fenomeno multe pli riĉa ol ni povis imagi” (Ivan Colling, Brazilo, esperantisto de 27 jaroj kaj docento pri inĝenier-arto de universitato de Paranao kaj studanto de la programo)

Vi povas donaci rete (esperantic.org/amu) aŭ per UEA-konto: esfo-p (donacante per UEA, skribu al Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin. kaj nepre menciu “por AMU Poznanon”, kaj samtempe sciigu al Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin. pri la farita donaco) – en ambaŭ kazoj ESF faros egalkvantan donacon. Interlingvistikaj Studoj kaj ESF esperas je via partopreno kaj via malavareco... duobligita!

Por donaci, klaku ĉi tie.

Pli pri Interlingvistikaj Studoj en Poznano ĉe http://www.amu.edu.pl/~interl/

Komento (0) Vizitoj: 24

Smolanda renkontiĝo

Kiam mi komencis plani biciklan vojaĝon laŭ ”Sydostleden” de Växjö al Kristianstad mi kontaktis la SEF-membrojn en la regiono por havi kafejan renkontiĝon en Växjö. Tio finfine realiĝis meze de junio ĉi-jare. Venis Meike Krüger el Åryd kaj Hans Linden el Växjö. Ni havis agrablan interparoladon kaj ili promesis teni la kontakton inter si, kaj krome provi inviti ankaŭ aliajn esperantistojn en la regiono al pliaj kafejaj renkontiĝojn. Mi deziras al ili bonan sukceson.

 

Ann-Louise

Komento (0) Vizitoj: 70

Jarfine festi en la 16-a Novjara Renkontiĝo (NR), Saarbrücken

La 16-a NR ĉi-jarfine okazos de la 

27-a de decembro 2017 ĝis 3-a de januaro 2018
merkredo ĝis merkredo

en Saarbrücken, samtempe kaj samloke kun la 9-a NIS, la programo por junuloj.

NR do denove estos tuj apud Francio, kion certe bonvenigos aparte la francoj :)
ja fakte Saarbrücken estas landlima urbo...
Ankaŭ suda Germanio kaj Svislando denove proksimos.
Ni esperas, ke multaj el vi eluzos la fakton, ke ekzemple la trajna distanco inter Parizo kaj Saarbrücken estas malpli ol du horoj...
Jen la informa paĝo kun aliĝilo.

Aliĝis intertempe jam dudeko da homoj el kvar landoj.
http://www.esperantoland.org/nr/partoprenantoj_nr16.php

Internacia etoso, prelegoj, kursoj, koncertoj, ekskursoj...

Multaj kaŭzoj por veni kaj reveni al NR/NIS... :-)

Ĉu vi ŝatos festi kun ni novjare en internacia rondo?
Do venu al la venonta NR!

Ĉion bonan al vi, belan someron
kaj esperinde ĝis revido dum NR/NIS,

por la organiza teamo de NR/NIS

Lu Wunsch-Rolshoven

EsperantoLand

Komento (0) Vizitoj: 100

Jam 1 300 Eur por Woodstock !

Ni ĝojas informi, ke nia kampanjo jam ricevis 650 Eŭr kaj UEA kompletigis pliajn 650 Eŭr, do entute ni havas 1 300 Eŭr. Koran dankon al la donacintoj !

Partoprenu ankaŭ vi por junigi nian movadon.

Helpu nin kolekti € 4 000 por realigi Esperantan agadon en aŭgusto 2017, dum la junulara festivalo Woodstock. Ĉiu donaco al tiu ĉi evento estas duobligata de UEA, ĝis la sumo de € 2 000, tiel ke organizantoj ricevas entute la sumon de € 4 000.  

Woodstock estas mondfama kultura festivalo, kie partoprenos pli ol 600 000 junuloj inter la 3-a kaj 5-a de auxgusto 2017. 

Pliaj informoj ĉe www.gazetaro.org/woodstock/ 

Vidu la filmeton:

https://youtu.be/dL05SehtMKM

Vi povas sendi vian donacon al UEA konto "Informado", aldonante kiel celon: "por Woodstock".  www.uea.org/alighoj/donacoj

Dankon pro via kunlaboro,

Emiljo Cid

 

Estrarano de UEA pri informado

Komento (0) Vizitoj: 145

Monda tago de rifuĝintoj, 2017 06 29

Monda Tago de Rifuĝintoj, 20 junio 2017

Mesaĝo al la esperantistoj

En la jaro 2016, la nombro de homoj tra la mondo, kiuj estas devigataj vivi for de siaj hejmoj pro perforto aŭ persekutado, atingis 65,6 milionojn, laŭ raporto de la estro de la Alta Komisiono de Unuiĝintaj Nacioj pri Rifuĝintoj. Tiu senprecedence alta nombro “atestas pli laŭte ol iam ajn pri la bezono de solidareco kaj komuna volo por prevento kaj solvo de krizoj, kaj pri la kunlabora certigo ke la rifuĝintoj, enlande dislokitaj personoj kaj azilserĉantoj de la mondo estu adekvate ŝirmataj kaj prizorgataj dum oni serĉas solvojn,” laŭ la komisionestro Filippo Grandi.

En simpozio kunvokita de la Studgrupo pri Lingvoj kaj Unuiĝintaj Nacioj la 11-an kaj 12-an de majo, oni aparte emfazis la gravecon de komunikado inter rifuĝintoj kaj tiuj kiuj prizorgas ilin. Gravas komunikiĝi kun rifuĝintoj en lingvoj kiujn ili komprenas; gravas eduki rifuĝintajn infanojn en lingvoj de ili konataj; gravas lingve inkluziva laboro por krei bonajn kondiĉojn por rifuĝintoj kaj solvi la fundamentajn problemojn kiuj kaŭzis ilian dislokiĝon. Inter la organizantoj de tiu simpozio estis Universala Esperanto-Asocio – asocio kiu laboras tutmonde por lingva egaleco kaj kompreniĝo por ĉiuj.

Ni alvokas al ĉiuj esperantistoj kunlabori kun siaj naciaj kaj internaciaj organizaĵoj por la ŝirmado kaj prizorgado de rifuĝintoj, kaj instigi al tiuj organizaĵoj atenti pri la graveco de lingva interkompreniĝo.

 

Humphrey Tonkin

Reprezentanto de UEA ĉe Unuiĝintaj Nacioj

20 junio 2017

Komento (0) Vizitoj: 153

Retejo por Esperantaj verkoj

Novaĵservo Ret-Info / Lingvo-Studio

RETEJO POR ESPERANTAJ VERKOJ!

Amir Naor (plurfoja gajninto de la Belartaj Konkursoj de UEA) kreis novan retejon por verkistoj kaj legantoj: http://verkoj.com

Verkistoj! Ĉu vi ŝatus partopreni en tiu ĉi retejo? Bonvolu kontakti nin ĉe Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin.

---------
Ret-Info / Lingvo-Studio, LS
http://www.eventoj.hu 

 

Komento (0) Vizitoj: 169

Subkategorio

TOP