Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI

Artikoloj

  Här ligger i princip alla artiklar som skrivits på EsperantoSverige. Du kan hitta dem genom kategorimenyn till vänster eller i tidsordning till höger. Använd sökfunktionen Serĉi för att hitta artiklar med vissa ord.

  Jen troviĝas pli malpli ĉiuj artikoloj skribitaj en EsperantoSverige. Vi povas trovi ilin per la kategoria menuo live aŭ en tempa ordo dekstre. Uzu la serĉilon Serĉi por trovi artikoloj kun specifaj vortoj.

Komputiloj kaj interreto en la instruado de Esperanto

Detaloj

SEMINARIO PRI NOVAJ KOMPUTILAJ KAJ INTERRETAJ RIMEDOJ – por instruistoj de Esperanto

Inter 08-12. de aprilo okazis en Budapeŝto internacia trejna seminario pri novaj komputilaj kaj interretaj rimedoj, uzeblaj / uzindaj de Esperanto-instruistoj.

Inter la traktitaj temoj estis ekzemple:

– manaĝado-sistemo por interretaj kursoj;
– aŭtomatigo de priservado de klientoj kaj tele-kursanoj;
– reklamado en Facebook kaj AdWords;
– komunikado inter individuoj kaj grupoj - kanaloj kaj metodoj;
– grupa laboro per nubaj metodoj;
– karaktro-rekonaj programoj por Esperantaj dokumentoj;
– senpagaj programoj el la nuboj, sen instalado
– ktp

La seminarion gvidis Szilvási László, gvidanto de Lingvo-Studio ĉe Eventoj en Budapeŝto.

La seminario okazis enkadre de EU-financita kunlabora projekto por Interkultura Centro Herzberg (DE) kaj Centro pri Interkultura Edukado en Nowy Sancz (PL) - kun la ĉeftemo: strategioj por internacia kunlaboro en la kampo de plenkreskula edukado.

La fakan seminarian programon kompletigis urborigardadoj, ekskursoj kaj vesperaj esperantistaj programoj.


Szilvási László

Komento (0) Vizitoj: 1331

Ĵus finiĝas la 8-a Mezorienta (kaj Nordafrika) Kunveno

Detaloj

Ĵus finiĝas la 8-a Mezorienta (kaj Nordafrika) Kunveno

Mi estas ankoraŭ en la flughaveno de Tuniso, dum mi skribas, kaj la dua ekskursa tago nun okazas. Ĝi estis unu el la plej sukcesaj kunvenoj kun kvindeko da partoprenantoj, inter kiuj grupego (25) da junaj kaj entuziasmaj arabaj ekesperantistoj. Vere la unuan fojon estis tiom da araboj el Tunizio sed ankaŭ el Alĝerio kaj Maroko. Ili amuziĝis en kurso por ili de Rafael Mateos kaj Annie Grente, dum la maljunaj kaj mezjunaj eŭropaj partoprenantoj aŭskultis siajn mezjunajn prelegojn kaj luktis kontraŭ komputilaj malfacilaĵoj.

Mi volas danki ĉiujn, kiuj malgraŭ ĉio, kuraĝis partopreni kaj eĉ viziti la muzeon Bardo. Tio estas konkreta signo de solidareco kun tunizianoj kaj praktika montro de nia celo, paco, kiu en bela araba skribo ornamis ĉiujn niajn insignojn kaj dokumentojn. Lokaj asocioj kaj instancoj dankis per siaj vizitoj kaj akompano dum ekskurso al la malnova urboparto de Hamamato. (La debato pri esperantigo de la nomo Hamameto/Hamamato ankoraŭ daŭras. Temas pri io de la speco Firenco/Florenco.)

Komprenemon meritas ankaŭ tiuj, kiuj ja deziris partopreni, sed estis malhelpataj de flugkompanioj, kiuj haltigis siajn flugojn al Tunizio kaj de registaroj, kiuj deklaris Tunizion danĝera vizit-loko. Mi detenas min de komentoj pri la saĝeco kaj la agoj de la tiel nomata “internacia komunumo”.

Aliflanke nun mi havas la senton, ke finfine la kondiĉoj ŝajnas maturaj por la kreo de Tunizia Esperanto-Junularo.

Ĉio bela finiĝas sed ankaŭ rekomenciĝas. Oni decidis okazigi la venontan Mezorientan Kunvenon en Turkujo venontan jaron (datoj kaj loko en Kapadokio baldaŭ anoncotaj) kaj reveni al okcidenta Arabujo (Alĝerio aŭ Maroko) la postan jaron!

Mi ne povas fini sen granda dankon al Dorota Pariszek, kiu venas el Bjalistoko sed vivas kaj agas en Tunizio. Ŝi estis ne nur la ĉefa organizanto sed ankaŭ la animo de la tuto.

Renato Corsetti     

 ~~

renato.corsetti

Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin.

Komento (0) Vizitoj: 1318

Sveda junulara organizo SEJU ekdormiĝonta

Detaloj

La sveda junulara organizo ne plu funkcias. La aktivaj junuloj kunlaboras en la gepatra organizo SEF, aŭ tute ekster la movado. Ĉar la endormiĝinta organizo estas problemo kaj baro por SEF agadi, ni decidis kun la lastaj aktivaj junuloj ke ni simple oficiale dormigu SEJUn. Tion ni faros dum la sveda kongreso en Upsalo en Majo. Bv vidi pli sub Eventoj pri tiu aranĝo, kaj en la blogo (Menuo Aktuale -> La blogo) por vidi la alvokon al la jarkunsido de SEJU.

 

Komento (0) Vizitoj: 3562

Subtenu proponon enkonduki E-on kiel subtenatan lingvon por la Office-programaron kaj Windows

Detaloj

La entrepreno de la s-ano Dietrich Weidmann (Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin. ), Allsprachendienst Esperanto GmbH, submetis al Microsoft proponon por enkonduko de Esperanto-subteno por la Office-programoj kaj Windows kaj ni petas nun, ke plej eble multaj uzantoj subtenu la proponon per simpla 3-foja vochdoo, tiel, ke Microsoft serioze konsideros la aferon. Partoprenu la baloton: http://office.uservoice.com/forums/285186-general/suggestions/7186982-esperanto-support-for-orthography-and-grammar-for

 

Rimarku, ke chiu retposhtadreso havas 3-foje vochdoni (ili donas 10 vochdonojn por chiu retposhtadreso, sed tiu povas vochdoni maks. tri-foje por unu sama ideo).

Vi kaj bonvolu favore voĉdoni por la propono kaj, se eble, samtempe bonvolu ŝatigi la proponon en fejsbuko au tvitero. Se eblas al vi, bonvolu plivastigi ankau tiun chi mesaĝon al ĉiuj viaj geamikoj kaj konatuloj rete.

Amike,

Fernando Maia Jr., post mesagho de Didi Weidmann

Komento (0) Vizitoj: 1853

Muzika KD: Emocioj - kun Damjanov kaj Rabu

Detaloj

Novaĵservo RET-INFO / Lingvo-Studio

Nova muzika KD ĉe Vinilkosmo:

EMOCIOJ - OMAĜE AL VESELIN DAMJANOV KAJ JOËLLE RABU

Ekde kelkaj tagoj la muzika eldonejo Vinilkosmo distribuas pere de sia katalogo novan muzikan diskon "Emocioj" – eldonita en Kanado. Jen kompilaĵo, ĉerpita el du malnovaj vinildiskoj kaj kasedoj, elĉerpitaj de pli ol du jardekoj, kiuj nepre vekos memorojn por iuj kaj rakontos grandan historion por aliaj.

Veselin DAMJANOV estis bulgara operokantisto kaj esperantisto. Oni produktis multajn diskojn en Bulgario kun liaj kantoj en Esperanto (kaj aliaj lingvoj) kaj, okaze de turneo en okcidenta Kanado kiun organizis por li Wally du Temple en 1985, kanadaj esperantistoj faris sonkasedaj registraĵon  "Veselin Damjanov koncertas en Kanado".

Joëlle RABU - estas kanada kantistino dulingva (angla-franca). En la jaro 1985 okaze de vizito al Brita Kolumbio de la bulgara tenoro Damjanov ŝi konvinkiĝis pri la bezono lerni Esperanton por prezenti sian arton al la mondo. Sekve ŝi - kun grupeto de subtenantaj muzikistoj - koncertis dum la Universala Kongreso en 1986 en Pekino kaj en la UK en 1987 en Varsovio.

Danke al la iniciato de la kanada produktanto Wally G. du Temple kaj lia kunlaboro kun Joëlle Rabu ni rajtas havi la novan eldonaĵon.

Provaŭskulti la kantojn eblas ĉe: http://www.ipernity.com/blog/vinilkosmo/826308

La KD-albumo estas momente disponebla nur fizike, ĝi mendeblas en la diskoservo de VINILKOSMO ĉe: 
http://www.vinilkosmo.com/?disc=vkkd126&lng=e

------
László Szilvási, Lingvo-Studio, L.S.
www.eventoj.hu

Komento (0) Vizitoj: 1418

Kooperativo de IKEF en Koreio

Detaloj

Aplikado de Esperanto en la praktiko:

KOOPERATIVO DE IKEF EN KOREIO

IKEF-K estas kooperativo, kiu organiziĝis por kunlaborigi diversajn firmaojn en Koreio. Oni lanĉis la kooperativon en la jaro 2014 pere de la praktika lingvo Esperanto, enkadre de la Internacia Komerca kaj Ekonomia Fakgrupo, IKEF. La membroj intencas helpi unu la alian kaj labori kun enlandaj komercistoj kaj alilandaj esperantistoj, kiuj volas komerci per siaj varoj kaj produktaĵoj.

Retpaĝo de IKEF-K: http://www.amikeco.com/

Specimena paĝo pri vendaĵoj: http://kara123453.wix.com/ikef-k 


------
László Szilvási, Lingvo-Studio, L.S.
www.eventoj.hu

Komento (0) Vizitoj: 1466

ESPERANTO – KIEL FAMILIA LINGVO

Detaloj

Personaj konatiĝoj, renkontiĝoj pere de Esperanto ofte rezultas geedziĝon...

Ĉe tiuj internaciaj geedziĝoj – sekvante la vojon de la plej facila solvo – dum iu tempo hejme oni uzas Esperanton, kaj ankaŭ la naskiĝontaj infanoj aŭtomate ellernas ĝin. Por ili Esperanto estas iuspeca "familia komunika lingvo" - apud la aliaj uzataj lingvoj. Tiuj infanoj kompreneble parolas la lingvon de sia loĝlando, kaj ili ofte ellernas ankaŭ la lingvojn de gepatroj.

La nocio kaj nivelo de "familia lingvo" ne estas la sama kiel "lingvoscio kun gepatra nivelo" (= tre alta nivelo), ja la familia lingvo rilatas kutime nur al la persona kontaktado kaj informinterŝanĝo, tamen ĝi estas simile grava por la anoj de tiu komunumo, ja ĝi apartenas al ilia propra personeco.

La familioj uzantaj hejme Esperanton organizas eĉ ĉiujaran kunvenon, komunan feriadon. La ĉi-jara aranĝo "Renkontiĝo de Esperanto-Familioj, REF" okazos en la centro de Eŭropo, en Hungario, inter 15-26-a de julio, apud la urbo Esztergom.

Interesa, nova videoregistraĵo ĉe https://www.youtube.com/watch?v=UzDS2WyemBI montras intervjuon kun ses junuloj, uzantaj Esperanton en familia medio ekde sian naskiĝo. La filmeto havas subtekstigitan tradukon en 27 lingvoj.

Kiam oni rakontas pri Esperanto al eksterulo, indas doni retejan adreson kun nacilingva enhavo por eventualaj pliaj informoj.

Szilvási László

Postskribo: La mesaĝo estas verkita lige al la internacia tago de la gepatra lingvo la 21-an de februaro...

Komento (0) Vizitoj: 1475
   

Artikoloj en tempa ordo  

   
© EsperantoSverige 2012