Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI

Artikoloj

  Här ligger i princip alla artiklar som skrivits på EsperantoSverige. Du kan hitta dem genom kategorimenyn till vänster eller i tidsordning till höger. Använd sökfunktionen Serĉi för att hitta artiklar med vissa ord.

  Jen troviĝas pli malpli ĉiuj artikoloj skribitaj en EsperantoSverige. Vi povas trovi ilin per la kategoria menuo live aŭ en tempa ordo dekstre. Uzu la serĉilon Serĉi por trovi artikoloj kun specifaj vortoj.

Senpage elŝuteblaj jarkolektoj de La Ondo de Esperanto (2007-2010)

Detaloj

Ekde 2007 oni povas aboni la sendependan internacian gazeton “La Ondo de 
Esperanto” (Kaliningrado, Ruslando) ne nur papere, sed ankaŭ elektronike 
(pdf). Jam pli ol kvarono da abonantoj elektas la elektronikan abonon.

Hodiaŭ la redakcio de “La Ondo de Esperanto” enretigis la pdf-versiojn de 
ĉiuj numeroj por la jaroj 2009 kaj 2010. Nun ili (kaj la pli frue 
enretigitaj jarkolektoj 2007 kaj 2008) estas senpage elŝuteblaj. Legu pli en 
la retejo La Balta Ondo
http://sezonoj.ru/2016/02/ondo-3/

“La Ondo de Esperanto” estas abonebla en la tradicia (papera) formo kontraŭ 
42 eŭroj por la tuta jaro kaj kontraŭ 21 eŭroj por jarduono. La elektronika 
(pdf) jarabono por la tuta jaro kostas nur 15 eŭrojn.
http://esperanto-ondo.ru/Lo-abon.htm

----------
La retejo por vi: http://sezonoj.ru/

Komento (0) Vizitoj: 747

Filmkonkurso pri amikeco en UK

Detaloj

============================================================


Gazetaraj Komunikoj de UEA
N-ro 606
2016-02-25
============================================================

FILMKONKURSO PRI AMIKECO EN UK

Universalaj Kongresoj estas bona okazo por renkonti geamikojn kaj ekhavi novajn. Por doni atenton al la kongresaj amikecoj, kadre de la Semajno de Internacia Amikeco (http://uea.org/teko/artikoloj/sia) UEA okazigas konkurson pri amatoraj filmoj kiuj traktas tiun fenomenon. Autoroj de la plej popularaj filmetoj gajnos senpagan kongresalighon por sia amiko.

Chu vi konatighis kun nova amiko en Universala Kongreso? Chu vi renkontis au planas renkonti viajn geamikojn en UK? Chu vi havas kortushajn au frenezajn rememorojn el la kongreso? Rakontu pri tio!

La konkurso okazos en la sociretejo Facebook, kie la gajnintojn elektos la publiko: la premion ricevos autoroj de la plej popularaj filmoj. La aligho al la konkurso estas senpaga kaj ghi okazas automate post la aldono de la kradvorto #uk2016amikeco. La filmojn oni povas alshuti ghis la 31-a de marto 2016. La gajnintoj – kolektintoj de la plej multaj shatoklakoj – estos anoncitaj la 4-an de aprilo 2016.

En la konkurso povas partopreni chiu interesito. Ne gravas la tekniko – la filmo povas esti kolora au nigra-blanka, ankau registrita per poshtelefono. Tamen, ghi devas esti en Esperanto kaj ghia dauro ne povas superi tri minutojn. Chiu povas anonci por la konkurso plurajn filmetojn.

UEA atribuos du premiojn, kondiche ke en la konkurso partoprenos almenau 25 filmoj. Se oni anoncos por la konkurso pli ol 50 filmojn, estos elektitaj tri gajnintoj. La regularo de la konkurso (http://www.nitra2016.sk/regularo-konkurso-semajno-de-internacia-amikeco) estas konsultebla en la LKK-retejo de la 101-a Universala Kongreso.
                       * * * * *

Komento (0) Vizitoj: 1710

Nord-Amerika Somera Kursaro kaj Kino-teatro-festo 2016

Detaloj

Ni invitas vin al Nord-Amerika Somera Kursaro kaj Kino-teatro-festo 2016

NASK kaj Kino-teatro-festo denove kune!

La Nord-Amerika Somera Kursaro (NASK) ankaŭ ĉi-jare kunigas la fortojn kun Kino-Teatro-Festo kaj invitas vin al unu el la plej elstaraj eventoj en Esperantujo! NASK – la plej longdaŭra Esperanto-kursaro en Norda Ameriko –estas unu el la plej gravaj aktivaĵoj subtenataj de ESF. Ĝi estas unika kleriga evento, kiu altiras lernantojn de ĉiuj lingvoniveloj kaj elstarajn Esperanto-instruistojn el la tuta mondo.

La kursaro en 2016, jam la trian fojon, estos sur la bela verda kampuso de la universitato William Peace en Raleigh, Nord-Karolino. Same kiel en 2015, Kino-Teatro-Festo (KTF) okazos samtempe kun NASK, tiel ke la partoprenantoj de ambaŭ eventoj povu partopreni en la komunaj aktivaĵoj kaj vidi la finan produkton de la metiejoj de KTF. La plena programo okazos inter la 28-a de junio kaj 7-a de julio kaj la mallonga programo inter la 28-a de junio kaj 3-a de julio. Estos ankaŭ diversaj aliaj aktivecoj: esplorado de muzeoj, butikoj kaj restoracioj de la urbo, ĉio en piedira distanco de la kampuso. Ambaŭ grupoj povos partopreni la feston de la 4-a de julio, kun piroteknikaĵoj!

Ĉiun jaron oni petas al famaj instruistoj kaj movadanoj el la tuta mondo instrui ĉe NASK, kaj ankaŭ en 2016 ni ĝojas anonci la stelan instruistan teamon! La superan kurson gvidos Bertilo Wennergren, membro de la Akademio de Esperanto, la Esperantisto de la Jaro 2006, muzikisto kaj la aŭtoro de la Plena Manlibro de Esperanta Gramatiko, Detala Gramatiko de Esperanto kaj Landoj kaj lingvoj de la mondo. Tim Morley estos la instruisto de la meznivela kurso. Diplomita instruisto de la angla, Tim, interalie, gvidis esperantigon de OpenOffice kaj instruas la lingvon interrete pere de italki.com (lastatempe, lia priesperantuja adaptaĵo la fifama kartludo Cards Against Humanity furoris en diversaj Esperanto-aranĝoj en Eŭropo). Ĵenja Bondelid (“Helena” el la videokurso Esperanto – Pasporto al la Tuta Mondo) gvidos la komencintan kurson. Fondinto de la Kino-Teatro-Festo, Ĵenja diplomiĝis pri la instruado de Esperanto ĉe la altlernejo Principia; ŝi reĝisoras, danckomponas kaj prezentas sur loka scenejo en Vaŝingtonio. Lee Miller, profesia interpretisto de la Usona Signo-Lingvo, gvidos la postbazan kurson (Lee estas partoprenanto de la kursaro ekde 2000 kaj nun li estas jam delonge unu el ĝiaj gvidantoj). Hoss Firooznia, la redaktoro de Usona Esperantisto, estos helpinstruisto kaj redaktoro de « La NASKa Fasko » kaj gvidos eksterkursajn programojn.

La bazaj kostoj por 8-taga NASK/KTF estas $760 (USD), por 4 tagoj de NASK/KTF $430 se vi aliĝos antaŭ la 15-a de marto (poste la prezo altiĝos je $50).Stipendia helpo haveblas por plentempaj studentoj kaj instruistoj, kaj ankaŭ loĝantoj en latinamerikaj landoj. Vizitu la retejonhttp://nask.esperantic.org por pli da informoj pri NASK kaj www.kotofesto.org pri KTF. La aliĝilo estas havebla laŭ peto al la administranto de la kurso, Ellen Eddy, ĉe Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin..

Komento (0) Vizitoj: 769

UEA planas acheti loghejon por volontuloj en Roterdamo

Detaloj

===========================================================


Gazetaraj Komunikoj de UEA
N-ro 605
2016-02-23
===========================================================

UEA PLANAS ACHETI LOGHEJON POR VOLONTULOJ EN ROTERDAMO

La Estraro de UEA planas acheti loghejon kun pluraj dormochambroj por volontuloj en Roterdamo. Momente ne eblas akcepti volontulojn facile, char dormo-spaco en la Centra Oficejo estas tre limigita kaj hoteloj estus tre multekostaj. Tamen volontulaj laborfortoj sur la diversaj agadkampoj de UEA estas nepre bezonataj, kaj multaj junuloj, mezaghuloj au pensiuloj pretas labori volontule por UEA en Roterdamo dum kelksemajna au kelkmonata periodo.

"Ni starigis nian Volontulan Servon jam en la sepdekaj jaroj, sed nun la havebleco de europaj subvencioj ebligas ghian plivastigon," klarigas Mark Fettes, Prezidanto de UEA. "Nia Estraro vidas en tio multajn avantaghojn. Volontuloj ne nur helpas en la realigo de plej diversaj laboroj, sed krome post spertigho povos pli efike labori por plifortigi la movadon en siaj hejmlokoj."

Por financi la acheton de volontula loghejo, la Estraro lanchas tutmondan donackampanjon. "Chiuj kontribuoj, chu grandaj, chu etaj, estas bonvenaj," diras Martin Schäffer, Ghenerala Sekretario de UEA. "Krome eblas pruntedoni monon al UEA je malgranda au nenia interezo por helpi al la realigo de la projekto."

La Estraro jam konfidis al teamo de oficistoj la taskon esplori pri taugaj loghejoj en Roterdamo, sub la gvido de Vica Ghenerala Direktoro Veronika Poór.

Por ricevi pliajn informojn bv. skribi al: Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin.. Donacojn eblas fari al la kontoj de UEA. Vidu: http://uea.org/alighoj/pagmanieroj Bonvolu aldoni priskribon: Konto voldom .

Komento (0) Vizitoj: 769

Mesagho de Unesko

Detaloj

============================================================


Gazetaraj Komunikoj de UEA
N-ro 604
2016-02-20
============================================================

MESAGHO DE IRINA BOKOVA POR LA TAGO DE LA GEPATRA LINGVO

21-a de februaro 2016

En 2016 la temo de la Internacia Tago de la Gepatra Lingvo estas: 
"Kvalita edukado, lingvo(j) de instruado kaj rezultoj de lernado".

Tio emfazas la gravan rolon de la gepatraj lingvoj en la strebado al kvalita edukado kaj lingva diverseco, celante la realigon de la nova programo de "Celaro 2030 por Dauripova Evoluigo".

La 4-a punkto de "Celaro 2030 por Dauripova Evoluigo" enfokusigas kvalitan edukadon kaj lernadon dum la tuta vivo por chiuj, por ebligi al chiu virino kaj viro la akiron de kompetentoj, konoj kaj valoroj, permesantaj al ili la realigon de siaj vivceloj kaj plenan partoprenon en la socia vivo. Tio speciale gravas por knabinoj kaj virinoj, samkiel por minoritatoj, indighenaj popoloj kaj vilaghanoj. Tio aperas en la programo de Unesko "Agadkadro Edukado 2030", la realiga plano de la Celaro 2030, kiu instigas al la uzo de la gepatra lingvo en instruado kaj lernado, same kiel al la subteno kaj konservado de la lingva diverseco.

La multlingveco estas esenca por la antauenigo de tiuj celoj – ghi estas nemalhavebla antaukondicho de la sukceso de la Celaro 2030, koncerne interalie kreskon, laboreblojn kaj sanon, realigon de dauripovaj konsumado kaj produktado, kaj rilate al klimatshangho.

Unesko same atentas pri la defendo kaj antauenigo de lingva diverseco en la Interreto, subtenante la kreadon de lokaj publikajhoj kaj instruadon pri amaskomunikado kaj informado.

Per sia programo "Lokaj kaj indighenaj kono-sistemoj" (LINKS) Unesko elstarigas la gravecon de la gepatraj kaj lokaj lingvoj, kiel iloj konservantaj kaj diskonigantaj la sciojn kaj kulturojn indighenajn, kiuj estas grandaj fontoj de sagheco.

El multlingva vidpunkto la gepatraj lingvoj estas esencaj eroj de kvalita edukado, kio mem estas la bazo por la kapabligo de la individuoj kaj de ilia socio. Ni devas agnoski kaj subteni tiun potencon, por ellasi neniun kaj konstrui estontecon pli justan kaj dauripovan por chiuj.

Chi tio estas la mesagho de Unesko okaze de tiu chi Internacia Tago de la Gepatra Lingvo.

Irina Bokova
Ghenerala Direktoro de Unesko

- - -

Trad. Stefano Keller, estrarano de UEA pri eksteraj rilatoj

Retejo kun diverslingvaj afishoj kaj klarigaj tekstoj pri la Tago: http://www.linguistic-rights.org/21-02-2016/
                       * * * * *

Komento (0) Vizitoj: 730

Transira Konsilio de Filipina Esperanto-Junularo (FEJ) estas formita

Detaloj
Karaj gekolegoj en TEJO kaj UEA, 
 
Jen rara kaj grava novaĵo, tial mi sendas ĉi tiun al pluraj dissendolistoj.
 
Mi raportas, ke la Transira Konsilio de Filipina Esperanto-Junularo (FEJ) estis formita dum la 6a regula kunsido de la organizaĵo. Sekve, mi ankaŭ demisias kiel Ĝenerala Sekretario de FEJ, efektive la 1an de februaro, por  la mandaton de la Konsilio, kiu komenciĝos la saman tagon. Mi tamen ne forlasos la organizo, ĉar mi ekservos kiel la Prezidanto de la Transira Konsilio kaj do sekve de FEJ, la unua en ĝia historio.
 
Por pliaj informoj, bv. atente legi la ĉi-suban tekston. Mi elkore dankas al ĉiuj unuopaj personoj aŭ grupoj, kiuj kunlaboris kun mi aŭ helpis min dum mia 28-monata administrado kiel Ĝenerala Sekretario de FEJ, ekde ĝia fondo en 2013. 
 
Mi alvokas, ke dum tiu ĉi nova, eĉ pli grava periodo de FEJ, Esperanto-aktivuloj el la tuta mondo pli aktive kaj entuziasme kunlaboru kun la Transira Konsilio de FEJ. FEJ dum la lastaj du jaroj ne ricevis sufiĉe da konkreta helpo el eksterlando, ekzemple ĉe la kampoj de aktivula maturigo. La aliaj membroj de la Transira Konsilio de FEJ ne estas tute novaj Esperantistoj sed notindas, ke temas pri ilia unua fojo havi postenon en iu Esperanto-organizo, kiu espereble multe engaĝos ilin en Esperanto-aktivadon. Ni helpu kaj subtenu ilin lingve kaj movade. 
 
Ĝis la sekva fazo!
 
Elkore dankas,
 
Albert Stalin Garrido
(Demisianta) Ĝenerala Sekretario
(Novelektita) Prezidanto de la Transira Konsilio
Filipina Esperanto-Junularo, FEJ
<Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin./" target="_blank" style="color: #1155cc;">Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin.>
Komento (0) Vizitoj: 754

Indonezio: Bonvenon al Trilanda Kongreso de Esperanto en Bandung

Detaloj

Trilanda Kongreso de Esperanto okazos de la 23-a ghis la 28-a de marto en 2016 en la urbo Bandung,Indonezio. La kongreso estos aranghota de esperantistoj de Australio, Novzelando kaj Indonezio.


La evento estas tre rara Esperanto-renkontigho pro ghia unika karaktero, ke ghi estas renkontigho inter azianaj kaj oceaniaj esperantistoj. Estas rimarkinde, ke ne nur tri landanoj sed ankau pluraj neauspiciantaj landaj esperantistoj jam alighis. El Koreio (9), Singapuro (2), Hungario (2), Chinio (1) kaj Japanio (1).

Mi antauvidas ke ch. 80 kongresanoj kolektighos en Bandung. Kompreneble el Indonezio plej multe da esperantistoj alighos ch.40. Kun la kongreso paralele okazos AMO-Seminario de UEA sub la prezido de Stefan MacGill, vicprezidanto de UEA. Mi forte rekomendas la kongreson al najbaraj landaj esperantistoj. 

Venu kaj nu ghuu la ekzotikan etoson kun samideanoj.

Posted by: Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin.
Komento (0) Vizitoj: 771
   

Artikoloj en tempa ordo  

   
© EsperantoSverige 2012