Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI

Artikoloj

  Här ligger i princip alla artiklar som skrivits på EsperantoSverige. Du kan hitta dem genom kategorimenyn till vänster eller i tidsordning till höger. Använd sökfunktionen Serĉi för att hitta artiklar med vissa ord.

  Jen troviĝas pli malpli ĉiuj artikoloj skribitaj en EsperantoSverige. Vi povas trovi ilin per la kategoria menuo live aŭ en tempa ordo dekstre. Uzu la serĉilon Serĉi por trovi artikoloj kun specifaj vortoj.

Nova kurso de Esperanto por telefonoj, senpage elŝutebla

Detaloj

Internacia Esperanto-Instituto en Hago hieraŭ lanĉis – post stadio de testado kaj korektado – novan aplikaĵon por lerni Esperanton en la butiko de Googleplay, vidu:

 

https://play.google.com/store/apps/details?id=com.embarcadero.esperanto

 

Jen kion raportas pri ĝi la retpaĝo de Internacia Esperanto-Instituto en Hago, http://www.iei.nl/ieieo77.htm

 

 

Ĵus aperis: Esperantokurso per rekta metodo kiel apo por Android (Google) poŝtelefonoj

 

Tre konata estas la Esperanto-kurso Esperanto per rekta metodo de Stano Marček. Kvankam la kurso mem nur estas en Esperanto, ĝi por diversaj naciaj komunumoj aperis kiel libro kaj kiel kompakta disko kun nacilingvaj klarigoj. Nun ĝi ankaŭ aperis kiel t.n. "apo". (Volumo 1, lecionoj 1 ĝis inkl. 11).

 

Apo (mallongigo de aplikaĵo) estas komputilprogramo por t.n. plurfunkciaj poŝtelefonoj (angle:  smartphones).

Tia poŝtelefono ne nur estas telefono, sed vera komputilo:

per ĝi oni povas telefoni, fari fotojn, trovi la vojon, interreti, tviteri, pririgardi filmojn, aŭskulti muzikon, ktp., ktp.

Multaj homoj jam havas ĝin. Oni amase vidas ilin surstrate, en trajnoj, en butikoj, en publikaj konstruaĵoj.

Patr(in)oj malantaŭ infanĉaroj, gejunuloj sur biciklo, oficistoj en kontoroj, laboristoj en konstruejoj,...

Kelkfoje ŝajnas kvazaŭ homoj nur komunikas per sia poŝtelefono...

 

Ekzistas almenaŭ tri specoj de apoj:

-apoj kiuj (nur) funkcias en telefonoj de Apple (markoj i.a. I-phone),

-apoj kiuj (nur) funkcias en Android telefonoj (markoj i.a. Samsung),

-apoj kiuj (nur) funkcias en Windows telefonoj (i.a. Nokia).

Oni nur povas elŝuti (akiri) kaj instali apojn per la butikoj de tiuj firmaoj:

Android-apoj nur per la apobutiko de Google.

Por Apple estas konata la apo Duolingo: por multaj lingvoj ĝi havas lingvan lernilon, nun ankaŭ en Esperanto.

Estas ĝoje ke nun ankaŭ aperis Esperantokurso kiel apo por Android.

Ĝi estas vera kurso, nome surbaze de la materialo de Esperanto per rekta metodo.

Piet Buijnsters, la programisto, uzis por ĝi la tre trafajn kaj instruajn bildojn (desegnaĵojn) de Linda Marčekova el la kursolibro

kaj kiam oni klakas aŭ tuŝas la tekstojn de la kurso oni ankaŭ tuj povas aŭdi la klaran prononcadon.

En ĝi ankaŭ estas la ekzercoj kaj taskoj de la libro.

La apo rigore sekvas la taŭgan, metodan instrulinion de la kurso, sed kompreneble oni povas mem elekti sinsekvon kaj rapidon,

ĉar granda profito de la kurso kiel apo estas ke tiuj kiuj havas plurfukcian poŝtelefonon laŭ ŝato kaj en diversaj cirkonstancoj povas uzi ĝin

kaj lerni Esperanton: kiam oni veturas en trajno, kiam oni devas ie atendi, preskaŭ ĉie ajn kaj ĉiam ajn...

 

La apo ankoraŭ estas senpaga. Por elŝuti kaj instali ĝin: iru per via poŝtelefono al la Google-apo-butiko (Google Play) kaj trovu ĝin per la serĉvorto Esperanto aŭ Esperantokurso. Certe rakontu al ne-Esperantistoj!

 

Tiu ĉi teksto troveblas ĉe la aplikaĵo mem 

(https://play.google.com/store/apps/details?id=com.embarcadero.esperanto)

 

Kurso por lerni Esperanton per bildoj, vortoj kaj frazoj de simpla al kompleksa strukturo sen uzi naciajn lingvojn. La gramatikaj reguloj kvazaŭ ludante aperas.

Volumo 1 konsistas el 11 lecionoj, kaj ekranoj kun la Esperanto-alfabeto.

Kiam oni tuŝas verdan butonon, la teksto sur ĝi aŭ aŭskultoteksto estas prononcata.

Kiam oni tuŝas la < butonon, la antaŭa ekrano aperas.

Kiam oni tuŝas la > butonon, la sekva ekrano aperas.

Kiam oni tuŝas la << butonon, la enhavo (numeroj de la lecionoj) aperas.

Kiam la titolo de ekrano (la lecionnumero) estas blua kaj kiam oni tuŝas gin aldonaj eksplikaj bildoj aperas.

La X - butono haltigas la apon.

La kurso ankaŭ enhavas ekzercojn.

Kiam oni tuŝas ruĝan butoneton, la respondo al ekzerca demando aperas.

Raportas

Stano Marček

Komento (0) Vizitoj: 1123

Esperantomuziko

Detaloj

Danbazita internacia muzikgrupo Espo-Despo miksas nuntempe sian materialon en Bolonjo, Italio, kun la fama producento Mustafa MuCe Cengic, kaj baldaŭ aperos ilia nova albumo labornome 'Bosniumas'. 

En la albumo oni trovos interpretaĵojn de bosnaj tradiciaj urbaj kantoj-'sevdalinkoj'. Multaj ‘esperanto steluloj’ prenis parton kiel gastoj. Inter aliaj aŭskuteblas Helle Cleary (DK), Flavio Fonseca (BR), Alejandro Cossavella (ARG), Gijom’ Armide (FR/DE) kaj Patrik Austin (FI/GB). 

Ankaŭ aliaj, ne-esperantistoj kaj pli aŭ malpli konataj muzikistoj partoprenis, inter aliuj Dino Pehilj (BA/DK), Eisabeth Vik (N/DK), Ljubo Martinoski (SRB/DK), Kenan Tekin (TR/DK), Edouard Galstian (ARM/DK) kaj Per Henriksen (DK). 

La mastrigado okazos ĉimonate ĉe Vinilkosmo kaj la albumo aperos en majo 2016 laŭ bita formato en la elŝutejo de Vinilkosmo ĉe www.vinilkosmo-mp3.com/…/popo-roko-hiph…/espo-despo-135.html kaj en la diversaj aliaj retejoj kun Vinilkosmo-katalogo (CD1D, 1D MP, 1D tuŝ, ktp..)

Amir Hadziahmetovic

Komento (0) Vizitoj: 1178

La Ondo de Esperanto por legiloj, platkomputiloj kaj saĝtelefonoj (ePub)

Detaloj

La redakcio de “La Ondo de Esperanto” ekde 2007 proponas elektronikan abonon
en la populara dosierformo pdf. Ĉar por posedantoj de librolegiloj,
saĝtelefonoj kaj negrandaj platkomputiloj la legado de A4-formata pdf-revuo
ne estas oportuna, speciale por ili la redakcio de “La Ondo de Esperanto”
ĵus enretigis provnumeron de la marta Ondo laŭ la normo ePub (Electronic
Publication). Oni povas senpage elŝuti la ePub-revuon kaj legi ĝin helpe de
pluraj aparatoj.

Legu pli en la retejo La Balta Ondo
http://sezonoj.ru/2016/04/ondo-9/

Komento (0) Vizitoj: 1062

Savado de Esperanto-kolektaĵoj, arkivoj, ktp.

Detaloj

Kunlabore IFEF kaj Interkultura Centro Herzberg okazigis seminarion en
Herzberg am Harz – la Esperanto-urbo komence de marto.
Rezulto de tiu renkontiĝo de fakuloj estas starigo de projekto kun
celo fari manlibron kongrue kun la strategia laborplano de UEA
(Agadkampo: Konsciigo, precipe 1.2.3. Esploro kaj dokumentado).
Ni celas konsciigi Esperanto-klubojn, landajn kaj fakajn asociojn pri
la graveco de konservado de niaj historio kaj movada kulturheredaĵo.
Jen konkretaj konkludoj kaj alvoko rezulte de la internacia fakseminario.
Interesiĝantoj, kunlaboremuloj: bv. baldaŭ respondi.
Detaloj pri la seminario kaj alvoko por la grava projekto:
esperanto-urbo.de/page.php?pid=90908309

Je nomo de la iniciatintoj kaj organiza teamo ni kore salutas!

Zsófia Kóródy

Komento (0) Vizitoj: 1141

Blogo pri Marso kun la fotoj de HIRISE

Detaloj

Blogo pri la planedo Marso kun la fotoj de HIRISE

http://beautifulmars-esperanto.tumblr.com/

Vizitu tiun ĉi blogon pri NASA-projekto en Esperanto, kunhaviganta fotojn pri la planedo Marso!

Enkadre de la projekto HIRISE (Scienca Eksperimento pri Fotado kun Alta Distingivo) funkcias la plej forta foto-kamerao de sia speco sendita al alia planedo, montranta al ni bildojn de la surfaco de Marso kun nekredebla distingivo. Ĉi tiu blogo en Tumblr estas la unua scienca retfluo de NASA-projekto en Esperanto, kunhaviganta Marson kun aliaj, kaj prizorgita de Shane Kirby, tradukista volontulo ĉe la usona kosma instituo.

Ĉu vi volas partopreni en la Projekto "Bela Marso"? - Vi povas kontakti: Shane Kirby, Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin.


----------------
Ret-Info / L.S.

Komento (0) Vizitoj: 1361

Revision av hemsidan påbörjad

Detaloj

Den sedan länge utlovade uppdateringen och föryngringen av EsperantoSverige har nu påbörjats. Exakt vad det innebär och hur den kommer att se ut vet vi först när vi är klara.

En del menyer och funktioner försvinner helt och hållet därför att de inte har använts. Vissa av dessa funktioner flyttas till andra sidor. Projekt kommer t ex att flyttas till Intere.se.

Klubbsidorna kommer att få ett nytt och enhetligt utseende med presentation och kontaktuppgifter. De klubbar som så önskar kommer att få en sk gruppblogg där flera kan skriva inlägg i klubbens namn. Alla klubbar kommer att presenteras, men bara de som önskar kommer att kunna skriva själva.

Hela artikelfunktionen kommer att förändras och förenklas. 

Kalendaro kommer att vara kvar utan någon förändring.

Komento (0) Vizitoj: 4269

Turisma semajno kun profesia e-ista ĉiĉerono

Detaloj

Francaj kasteloj kaj verkistaj rezidejoj: turisma semajno kun profesia e-ista ĉiĉerono je 2016-junio-12/17

Post nia sukcesa ekskurso antaŭ la UK en Lille, Catherine Kremer kaj Jannick Huet proponas al vi, scivolemaj Esperantistoj, novan turisman programon en la Luar-Valo: www.gresillon.org/s1

Ni vizitos per profesia ĉicêronado en Esperanto ne nur famajn Renesancajn Kastelojn sed ankaŭ rezidejojn de la verkistoj Ronsard, Rabelais, Balzac kaj Leonardo Da Vinci.

Aliĝu nun al nia turisma semajno 2016 en junio per www.gresillon.org/s1   
Atentu, la kastelo Gresillon havas malmulte da unulitaj litĉambroj, do ne prokrastu vian aliĝon se vi deziras tian litĉambron!

Novaĵo: por atingi Gresillon facile: flugo de British Airways el London City (LCY) al Angers Loire (ANE) lunde 13an de junio por 76 £. La flughaveno situas je 15 km de Gresillon kaj ni povos veturigi vin.

Koran bonvenon en la Esperanto-Kastelo

Jannick Huet

Komento (0) Vizitoj: 1168
   

Artikoloj en tempa ordo  

   
© EsperantoSverige 2012