Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI

Voĉlega programo ankaŭ por Esperanto

Detaloj

La komputila teknologio evoluas tre rapide ankaŭ en lingva tereno. Inter similaj aliaj projektoj, jen aperis programo, kiu kapablas laŭtlegi skribitan tekston en 32 lingvoj, inter ili ankaŭ en Esperanto.

Kvalito de prononcado ankoraŭ varias ĉe diversaj lingvoj. La Esperanta versio estas ankoraŭ mankohava, sed ekzemple la hungara estas surprize tre bona, normale uzebla.

Senpaga test-versio de tiu ĉi voĉlega programo estas provebla ĉe: http://www.oddcast.com/home/demos/tts/tts_example.php?var=1

Ĉe pluraj lingvoj oni povas elekti inter la paroluloj, oni povas elekti ĉu parolu viro aŭ virino, kaj oni povas aldoni diversajn efektojn (ekzemple oni povas rapidigi aŭ malrapidigi la parolfluon).

La programo estas vere impresiga, kaj instigas pensi pri baldaŭa estonto de lingva situacio: 1. voĉ-rekonaj/skribaj programoj, 2. maŝina tradukado, 3. tekstolegaj programoj -- por ĉiu laŭ sia gepatra lingvo...
 

Homoj en tiu ĉi konversacio

Komentoj (1)

  • Mi provis la svedan. Ankaŭ al ĝi mankas. Evidente ili uzas sistemon kiu kunligas vortojn. Mi provis "riksdagsledamot" (parlamentano) kaj tio sonis bone, sed "åtgärdsplanering" estis tute fuŝa. "Spexgeneral" ankaŭ ne funkciis bone. Post kelkaj pliaj provoj mi povas konstati ke kunmetitaj vortoj ne havas la ĝustan akcenton.

Aldoni komenton
   

Artikoloj en tempa ordo  

   
© EsperantoSverige 2012