Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI

Esperanto ekzistas!

Ĉiuj verkoj de Zamenhof - legeblaj en la reto!

Detaloj

ĈIUJ VERKOJ DE ZAMENHOF ESTAS LEGEBLAJ EN LA RETO

 Zamenhof-torto en Byalistok Lige al la 100-a mortodatreveno de Zamenhof, la viena Esperanto-Muzeo celis ĉi-jare prezenti ĉiujn verkojn de Ludoviko Zamenhof, aperintaj ĝis 1930, kiuj troviĝas en ilia kolekto.

125 libroj jam estas libere kaj senpage legeblaj en la retejo de la muzeo IEMW. Kelkaj ankoraŭ sekvos dum la venontaj semajnoj.

Verkoj (1887-1930) de Ludoviko Zamenhof:
https://www.onb.ac.at/eo/bibliothek/sammlungen/kolekto-por-planlingvoj/digitaj-dokumentoj/ludwik-l-zamenhof/

------ 
Lingvo-Studio, L.S. 
www.eventoj.hu

 

Komento (0) Vizitoj: 211

Ĉiuj kurieroj de ĉiuj UK-j - en la Bitoteko!

Detaloj

Riĉa fonto de Esperantaj legaĵoj

BITOTEKO - elektronika Esperanto-biblioteko en Hispanio

Ankoraŭ nemultaj scias, ke Hispana Esperanto-Federacio funkciigas interretan bibliotekon "Bitoteko" - kolektejon de elektronikaj versioj de multaj kaj interesaj Esperantaj literaturaj materialoj!

La biblioteka havas plurajn subfakojn (literaturo, tradukoj, infanlibroj, ktp.), signifan ne nur en hispania, sed ankaŭ en internacia nivelo.

Mian intereson aparte vekis la kolekto "Gazetoteko" - kiu enhavas 124 legeblajn kaj elŝuteblajn Esperanto-gazetojn, inter ili tiajn interesaĵojn kiel "La praktiko", "Bulteno de ATEO" (ateistoj), Esperanta Numismatiko, "Familia Esperanto" kaj multaj aliaj.

La plej freŝa kolekto en Bitoteko estas la "Kongresaj Kurieroj", t.e. la ĉiutagaj informiloj, eldonitaj dum la Universalaj Kongresoj. En la kolekto troviĝas ĉiuj kuireroj de ĉiuj UK-j ekde 1908 ĝis 2015 – ĉiuj ili estas legeblaj kaj elŝuteblaj en formato pdf!

Sinceran gratulon al Roland Rotsaert, la Fondaĵo Vanbiervliet kaj la zorgantoj de Bitoteko pro tiu sindona laboro kaj kunlaboro!

Adreso de Bitoteko: http://bitoteko.esperanto.es:8080/jspui/ 


--------------
Ret-Info, LS

Komento (0) Vizitoj: 991

UEA atentigas pri la Eŭropa Tago de la Lingvoj

Detaloj

Saluton, 

la unua Eŭropa Tago de la Lingvoj okazis je la 26-a de septembro 2001, kiel ĉefevento de la Eŭropa Lingvojaro. Ekde tiu momento oni festas tiun tagon ĉiujare por atentigi pri la graveco de multlingvismo en multlingva kaj multkultura Eŭropo.

Kvankam tutmonda asocio, UEA subtenas tiujn strebojn en Europo, la historia lulilo de Esperanto, kie ankorau multaj homoj suferas pro lingva diskrimnacio kaj lingva maljusteco. Konscio pri la graveco de lingvoj en la homa vivo, kaj interesiĝo pri lingvolernado kaj kultura diverseco, estas fundamentoj ankaŭ por nia laboro.

UEA petas la landajn, regionajn kaj lokajn grupojn laŭeble aranĝi eventon aŭ partopreni eventojn de aliaj organizaĵoj. Laborante ni nepre atentu pri la celo de la tago, do absolute ne taŭgas fari troajn postulojn rilate al la funkcio de Esperanto en la EU.

Se ni mem aranĝas eventon ni ekz. povus trakti lingvojn lude, prezenti minoritatajn lingvojn de Eŭropo, prezenti Esperanton kiel kultura valoraĵo aŭ simile. Vizitante eventojn de aliaj organizaĵoj ni povus atentigi pri la graveco de lingvolernado, ni povus atentigi ke povus esti tre utile lerni la lingvon de najbara ŝtato kaj ni povus averti ke ni ne havu nur unulingvan Eŭropon.

Martin Scháffer
Ĝenerala Sekretario de UEA

http://ec.europa.eu/languages/events/2014/2509-florence_en.htm

http://ec.europa.eu/languages/events/2014/2010923-ell_en.htm

http://edl.ecml.at/Portals/33/documents/flyer/EDL-flyer-EN.pdf

http://www.coe.int/t/dg4/linguistic/JEL_en.asp

http://edl.ecml.at/Events/EventsDatabase/tabid/1772/ctl/Edit/mid/3439/language/en-GB/Default.aspx

Komento (0) Vizitoj: 2244

Nova libro - Zelazny pri Zamenhof

Detaloj

 

Z pri Z ─ Zelazny pri Zamenhof

Kontraŭe al la ceteraj judoj, kiuj serĉis la fontojn de la antisemitismo ekstere, Zamenhof vidis ĝin en la judaro mem. Laŭ li judismo devas sin reformi por ne esti la kaŭzo de konfliktoj tie, kie judoj loĝas.

Zamenhof surbaze de la Haskalá lanĉas propran programon de la reformo de la judaro, kiun li nomis Hilelismo. Kiam li rimarkas, ke la judaro ne sekvas Hilelismon, li ŝanĝas la strategion, forĵetas sian alvokon direktitan al judoj kaj turnas sin al ĉiuj homoj de bona volo kun la nova mesaĝo, kiun li nomas Homaranismo.

Ĉiuj homoj estas liberaj, kaj rajtas konservi proprajn lingvajn kaj etnajn radikojn ─ ĉio ĉi estis tamen kontraŭa al la epoka spirito de la renaskiĝo de la nacionalismo, kiu kuŝas jam sub la vokfrazoj de la Franca Revolucio, proklamanta unuecon de nacio kaj ŝtato, kaj kiu manifestiĝas dum la Printempo de la popoloj (1848-1849).

Laŭ Zamenhof nova soci-politika ordo devas esti garantiita fare de la principo de "ius sermonis", tio estas per la uzo de la lingvo Esperanto, kiu neŭtraligas etnajn, lingvajn kaj naciajn konfliktojn, do kaŭzojn de militoj inter popoloj.

Zamenhof vivas intelekte kvazaŭ en du apartaj mondoj, kies arktitekto li mem estas. Unue en la mondo, kiun ni post jarcento nomos la finvenkisma, kaj en la dua kiun ni nomos la raŭmisma. Dum lia vivo ankoraŭ tiuj du mondoj estis ne disigeblaj pro strategiaj kaŭzoj, nome por sukcesigi Esperanton.

En sia 300-paĝa libro "Ludwik Zamenhof. La vivo kaj verko. Percepto kaj komentarioj. Elektitaj tekstoj kaj leteroj", sen. Walter Żelazny celas montri la strategiajn vojojn de Zamenhof kaj lian finan idean elekton. Eldonite en la pola lingvo de la prestiĝa eldonejo NOMOS (Krakovo, 2012), la verko estos premiere prezentata al la esperanta publiko ĉe la Esperanto-Domo en Andaluzio, 15 decembro 2012, sub la auspicio de Scienca Instituto Zamenhof.

Komento (0) Vizitoj: 2528
   

Artikoloj en tempa ordo  

   
© EsperantoSverige 2012