Bonvenon kara membro!

Ĉu vi volas membriĝi? Uzu la formularon en la paĝo Membriĝi sub la ĉefa menuo EsperantoSverige.

ENIRI


Kultura Esperantkurso 3-9 julio 2017

Bonvenon al Kultura Esperantokurso!

Jen arkiva retpaĝo prepare al KEF 2017, kiu ekestis KEFeto prepare al 2018, por informiĝi pri la 10 Kultura Esperanto-Festivalo 2018 alklaku ĉi tie.

------

Om Esperantokurser med kulturtema PÅ SVENSKA här.

La ALIĜILON vi trovas ĉi-tie.

La evento en Facebook

Baza programskemo por lundo-dimanĉo sube tuj sub la informoj pri kotizoj kaj pagmanieroj (ni ĝisdatigos kaj kompletigos ĝin dum la semajno).

Someraj kursoj de Esperanto en Esperanto-Gastigejo en Svedio okazos ekde lunde la 3an de julio ĝis dimanĉe la 9an de julio 2017, kaj samtempe realiĝas programo stile de Kultura Esperanto-Festivalo, tamen pli modesta ol la festivaloj realigitaj 9-foje ekde 1986. Tial ni nomas la kurson Kultura Esperantokurso. Fakte temas pri pliaj kursoj, por komencantoj, por daŭrigantoj kaj kulturemaj perfektigantoj. Ni ankaŭ kiel kutime atentas pri la bezonoj de infanaj lernantoj.

Martin Strid estas nia ĉefinstruisto por la perfektiga grupo. Li estas talenta muzikisto kaj verkisto specife de kantotekstoj kaj gvidos programerojn interalie pri Feroaj Insuloj, balada kulturo kaj Esperanto, Fabloj el Ezopa Saĝo de Kalman Kalocsay kaj Amuzaj poemoj el Verdkata testamento de Raymond Schwarz.

Anna Ritamäki-Sjöstrand instruas kun aliaj la komencantojn kaj daŭrigantojn. Ankaŭ por la infana grupo estos gvidata programo dum pluraj horoj tage, sed ni deziras ke almenaŭ unu plenkreskulo akompanu infanojn.

Inter la kontribuantoj estas la multtalenta artisto Kim el Danlando kaj la kanta duopo Ĵomart kaj Nataŝa (ĉefa koncerto ĵaŭde vespere, sed la duopo, kiel Martin Strid kaj Kim Henriksen, kontribuos en aliaj tagoj). En la dua parto de la evento lernu ukuleloludadon kun Gunnar Farm, kiu kunportos kelkajn instrumentojn kaj esperantokantojn taugajn por ukulela akompano. Prezento de Aleksej Salomatov "Fotado: hobio kaj arto". Kristjan Schmidt gvidas Baĉato-dancokurson, bazajn paŝojn kaj facilajn figurojn. Baĉato estas muziko kaj pardanco de Dominika Respubliko; la muziko ofte temas pri amo kaj estas romantika - tamen ne estas malrapida. Nicole Kinch prezentas sian koncepton pri la varieco de koloroj Kolormondo (kun tiu nomo la firmao de Nicole, bazita en Svedio, edukas uzante globforman kolorkomprenilon, kiu estas aĉetebla), verŝajne ĵaŭde antaŭtagmeze kun eblo konatiĝi kun la ŝi kaj la kolormondo ankaŭ antaŭe kaj poste.

Inter la elekteblaj ekskursoj estas vizito al popolmuzika festivalo en Bingsjö, kiu foriros de Esperanto-
Gastigejo marde la 4an de julio tagmeze kaj revenos ĵaŭde tagmeze.

ALIĜILO KAJ KOTIZOJ

La kotizo inkluzivas loĝadon en la gastigejo (kutime 4-litaj ĉambroj kun necesejo en la koridoro), manĝojn trifoje tage kaj la programon por la tuta semajno.

La baza kotizo por la tuta semajno estas 300 eŭroj aŭ 3000 kronoj.

Rabatita kotizo 13-17-jaruloj, senlaboruloj, pensiuloj  240  eŭroj aŭ 2400 kronoj.

Infanoj 5-12-jaraj 160 eŭroj aŭ 1600 kronoj.

Krompagoj por elekteblaj luo de littukoj 10 e/100 kr, ĉambro por malpli da personoj (por dupersona 50 e/500 kr por persono, unupersona 100 e/1000 kr, ĉambro kun propra necesejo 100 e/1000 kr (anoncu intereson aliĝante), krome krompagoj ekz. por ekskursoj.
Rabato por tenda aŭ ruldoma loĝado.

(Ni decidis rezigni pri la krompago por malfruaj aliĝintoj por kuraĝigi surlokajn portempajn aliĝojn, do vi estas tre bonvena, prefere anoncu vin plenigante la aliĝilon, sed ankaŭ vi povas anonci vin telefone, retposte aŭ telefone, rezerva telefonnumero se neniu respondas en la oficiala numero estas +358-40-379 3146 al la prezidanto Anna Ritamäki-Sjöstrand).

Baza UNUtaga kotizo estas 60 eŭroj aŭ 600 kronoj (rabatita taga kotizo 48 e/480 kr, infana kotizo 32 e/320 kr). Se vi partoprenos kvin tagojn vi pagos same multe kiel por la tuta semajno. (Plena kotizo/5 = taga kotizo.) Luo de littukoj same kiel supre, por specifa ĉambra aranĝo laŭ interkonsento.

Se vi krome havas okazon subteni nian kursejon per donaco ni kun danko tion akceptas. Ĉiu sumo estas uzata por ebligi pluan vivtenon de Esperanto-Gastigejo cele al agado por kaj per esperanto (interalie por ebligi sukcesan planadon de plenampleksa Kultura Esperanto-Festivalo en sekva jaro).

RABATAJ KAJ STIPENDIAJ EBLOJ

Se la kostoj estas obstaklo por vi ni pretas vin trovi solvon. Bonvolu anonci viajn bezonojn en la aliĝilo aŭ kontaktu nin rekte rete per Tiu ĉi e-poŝtadreso estas protektita kontraŭ spam-robotoj. Vi devas ebligi JavaScript por vidi ĝin. (ankaŭ eblas uzi la adreson provizitan sur la enira retejo, sed NE uzu ambaŭ adresojn), telefone +46  (0)590-309 09.

KIEL PAGI?

Jen listo de pagalternativoj. Ricevanto: Esperanto-Gården i Lesjöfors
 
Internacia formo de la kontonumero: IBAN: SE26 9500 0099 6042 4440 2451 BIC (SWIFT): NDEASESS (laŭ niaj spertoj eblas pagi sen bankokostoj ene de EU se vi pagas en eŭroj)
Plusgiro (kontonumero en enlanda formo de Svedio): 4440245-1
 
UEA-konto: lesj-q
 
Ni petas vin antaŭpagi minimume 50 eŭrojn aŭ 500 kronojn. Ni aprezas se vi pagos la tutan sumon tuj. Se vi ial ne povos mem alveni eblas transdoni  vian aliĝon al alia persono. (Se vi ne povas pagi tuj, bv. noti tion kaj ni interkonsentos pri solvo).

Baza programskemo por lundo-dimanĉo

Lundo 3 julio Alventago. Registriĝo kaj aliro al dormoĉambro. Haveblas manĝaĵetoj kaj trinkaĵoj (inkluzivitaj en la kotizo), eblas ludi per esperantaj kantaroj aŭ simple konatiĝi kun la ĉirkaŭaĵo. Je la 17a horo prezento de esperanto por komencantoj kaj la ĝenerala publiko. Vespermanĝo. Bonveniga interkona programvespero.

Mardo 4 julio Matenmanĝo. Kultura programero (Martin Strid)/kurso lunĉo, kurso/prelego/dancokurso. Vespermanĝo. Kim Henriksen gvidas la vesperan programon

Merkredo 5 julio. Sama baza skemo plus duontaga ekskurso. Vespere kanta ateliero kun Ĵomart kaj Nataŝa

Ĵaŭdo 6 julio Kolormondo. Vespere koncerto en Folkets hus

Vendredo 7 julio Ukulelse-kurso. Vespero de talentoj

Sabato 8 julio Vespere koncerto en Folkets hus

Dimanĉo 9 julio Forirtago. Matenmanĝo. Diskuto pri planoj pri plenampleksa Kultura Esperanto-Festivalo. Fermo. Lunĉo. Vi estas bonvena resti ĝis lundo (inkluzivita en la kotizo) kaj laŭdezire pli longe.

Dimanĉe estas du busoj de Lesjöfors, je la 13.15 (en Filipstad je 13.55, en Kristinehamn je 15.00, en Karlstad je 15.15) kaj 16.25 (en Filipstad 17.05, en Karlstad je 18.15). Necesas antaŭanonci sin al la buskompanio minimume tri horojn antaŭe, prefere la antaŭan tagon. Vi estas bonvena peti helpon de organizanto por tion fari. Ni povas helpi vin akiri plej favoran kotizon (pagante vi povas prunti nian Värmlandkarton, se vi ne mem havas propran). Petu konsilojn de ni antaŭe se vi malcertas.

Ni povas helpi vin ankaŭ pri transporto per privata aŭto en la regiono laŭbezone, validas same por alvenado.

Jen la horaro Filipstad-Lesjöfors (por veni per pubika transporto al Lesjöfors necesas iri pere de Filipstad, kiu situas proksimume 35 km sude de Lesjöfors, sed ekzistas ankau aliaj proksimaj urbetoj al kiuj venas trajnoj kaj busoj de kaj al kiuj ni povas transporto per privata aŭto ekz. Hällefors kaj Hagfors).

Preparoj

La estraro de la kooperativo Esperanto-Gården i Lesjöfors ekonomisk förening decidis ke la gastigejo estas la formala organizanto de la kultura kurso.

Inter la praktikaj organizantoj estas Anna Ritamäki-Sjöstrand (kiu prezidas la gastigejan kooperativon), Kim Henriksen, Flo Martorell, Martin Strid kaj Heming Welde Thorbjørnsen. Aliaj aktivaj gastigejaj estraranoj estas Anna Eriksson, Douglas Draper, kaj kompreneble Lennart Svensson, nia surloka, plendediĉa aganto.

Por la kuirejo ni ĝojas anonci la helpon de Ella Strug kaj Eddy van den Bosch.

Eblas kontakti kulturprogramajn organizantojn pere de la retadreso kef ĉe esperantogarden.se.

En la proksimaj tagoj ni publikigos la aliĝilon. Ni iom post iom ĝisdatigos ĉi tiun retejon per bazaj informoj, interalie pri pri vojaĝebloj (intertempe por ĝenerala kontaitĝo kun la ejo iru al www.esperantogarden.se kaj alklaku la esperantan flagon, por informoj pri horaroj iru al http://www.sj.se, sed ne tuj aĉetu; ni donos al vi konsilojn por favoraj prezoj). Ni estis en kontakto kun pluraj artistoj kaj iom post iom povos malkaŝi detalojn.

Specifajn demandojn pri la gastigejaj aferoj vi sendu al info ĉe esperantogarden.se, kiun legas Lennart Svensson kaj Anna Ritamäki-Sjöstrand.

La kultura kurso okazos tuj post Roskilde

Ĉu vi volas veni pli frue kaj resti pli poste, eble kombini kun aliaj eventoj? En Danlando dum la fama Roskilde-festivalo reokazos la 24an de junio gxis la 2a de julio la tradicia laborbrigado en esperanto (senpaga partopreno por laborado kun aliaj esperantoparolantoj) roskildefestivalo.dk En Esperanto-Gastigejo en Lesjöfors okazos preparbrigado antaŭ nia kultura kurso ekde la 29a de junio.

Pri kio ni bezonas helpon

La partoprenantoj dum la kurso helpos pri praktikaj taskoj en la gastigejo.

Pliaj helpantoj kaj kontribuantoj estas bonvenaj. (La ĉefa defio por nia gastigejo estas la manko de homfortoj, kaj manko de organizeco en la kontaktoj kun nia ja ekzistantaj helpemuloj, do kuraĝe ofertu viajn servojn. Ni estas tre dankaj ankaŭ pro kuraĝigaj vortoj). Ni serĉas interalie organizanton de programo por infanoj, preparantojn de programo pri la historio de KEF, filmokunordiganton, teatrajn kaj rakontajn artistojn.

Komentoj

  • Neniuj komentoj troveblas
Aldoni komenton

Vår kalender

13
jul
Lesjöfors
Dato 13 julio 2018, 12:00